“All Out”-hokkie op Plasieland

DIE WENKOEK

FOTO:
Die wenkoek


Hokkiespelers van Hoërskool Merensky het behoorlik fees gevier tydens die jaarlikse afsluitingsfunksie op Donderdag, 17 Augustus.

Hierdie gewilde funksie het afgeskop met die beoordeling van 10 koeke – 1 vir elke span – wat die tema, All Out Hockey weerspieël het. Die eerste seunshokkiespan se skepping het ‘n hokkieveld en eerstespantrui uitgebeeld. Tweedeplek word gedeel deur die tweede- en o.16-seunspanne. Matrieks is gegroet en borge en ouers is bederf by hierdie pretfunksie.

Prestasies om van kennis te neem is JJ Davis wat gekies is vir die SA-Bokkiespan en eerstespankaptein, Stefan Prinsloo, wat deel is van die Gazelle-span. Die o.14-dogterspan is geprys oor die feit dat hul in die Noordvaal-finale gespeel het, die enigste Limpopo-span wat dit kon regkry. Die o.14- en o.16-seunspanne het ook deurgedring na die Noordvaal-toernooi.

Plasieland is trots op ‘n dinamiese afrigterskorps wat elke geleentheid benut om hokkie koning te laat kraai.