Erewag vir sekretaresses

Sekretaressedag

FOTO
Nadia Hermann, Eileen Elbrecht, Charmaine Buys, Linda Badenhorst, Theresa Erasmus, Christelle Meyer, Liezel Hermann en Marlene Olivier.


“Bly kalm en roep die sekretaresse”, weerklink inderdaad kort-kort in die Hoërskool Merensky-gange. Om dié rede het man en muis op Donderdag, 6 September, saamgestaan om hulde te bring aan die 8 super-sekretaresses van Plasieland.

Vroegdag, met hul aankoms by die skool, is die groep verwelkom deur ‘n UK-erewag. Die leerders het hul waardering vir die ekstra myl wat die “tannies” stap, uitgespreek en elkeen met ‘n geskenk bederf.

‘n Spognoenmaal, geinisieër deur die onderwysers, is mid-dag in die Appetito Restaurant voorgesit. Vir ‘n uur-of-wat kon hierdie staatmakers vergeet van die departement, telefone, besoekers, boeke en spertye en letterlik asem uitblaas.

Dit is ‘n feit: gelukkige sekretaresses dra by tot die suksesstorie wat Plasieland is.