Sin Cos Tan begeester onderwysers

Van Merensky se admin personeel sit koppe bymekaar: Christelle Meyer, Marlene Olivier, Liezel Hermann, Liesl van Kasterop en Theresa Erasmus.

Die Wiskunde-departement van Hoërskool Merensky het op Vrydag, 6 September ‘n opwindende funksie vir die Plasie-personeel aangebied. Hierdie inisiatief was deel van die skool se gebruiklike, kwartaallikse motivering.

Die geleentheid met die tema, Sin Cos Tan, het gesorg dat leerkragte lank vergete hoofrekene en wiskundige formules afgestof het. Elke departement het na voltooiing van ‘n Wiskunde werkkaart ‘n koek ontvang wat versier moes word. Natuurlik moes die eindproduk Wiskunde weerspieël. Met kreatiewe denke en begeesterde spandeelname het die Ekonomiese- en Bestuurswetenskappe departement “die koek gevat”.

Leave a Reply

Your email address will not be published. Required fields are marked *