Landloop

 

Landloop 2016

Landloop 2016

Organiseerder

Pieter van der Merwe
Mnr. Pieter vd Merwe

Afrigter

Mnr. Philip Entres

2017 Datums

23 April - Settlers
13 Mei - HTS Tom Naudé, Pietersburg
27 Mei - Aganang
10 Junie - Interprovinsiaal
29 Julie - Stanford Lake College
5 Augustus - LIMA Kampioenskappe @ Hans Strijdom

Landloop Nuus

Plasies draf WIK kaf

Gepubliseer op
FOTO Sheldon Muller, Janco Coetzee en Jenelle de Jonge. Hoërskool Merensky se o.19-span het eerste geeïndig in die junior-afdeling by die jaarlikse WIK-byeenkoms wat op 19 Maart te Stanford Lake College aangebied is. Met ‘n tyd van 1:15:54, en ‘n gemiddelde spoed van 16,60 km per uur, het hul letterlik in die nek geblaas van die senior wenspen. Spanlid, Jenelle de Jonge, het die 500m swem aangedurf, terwyl Sheldon Muller die speke laat sing het vir 15km in die bergfiets-been. Langasem, Janco Coetzee, het die gesorg dat die 5km berghardloop in ‘n japtrap afgehandel is. Voorwaar ‘n puik prestasie te midde van koue, nat en winderige weersomstandighede.

Merensky tweekampers by SA’s

Gepubliseer op
Gedurende die naweek van 7 en 8 April, is die 42ste Suid-Afrikaanse Tweekamp byeenkoms in die pragtige Paarl deur Boland Tweekamp aangebied. Veertien streke met 770 atlete van regoor die land het deelgeneem, met ouderdomme wat wissel van 9-59 jaar. Limpopo Tweekamp het 17 lede ingeskryf, waarvan Tayla Vos en Jané Geyer van Hoërskool Merensky in die o.15-afdeling gekompeteer het. Beide atlete slaag daarin om hul persoonlike tye te vebeter en het waardevolle ervaring opgedoen vir volgende jaar se byeenkoms.

Sukses vir langasems

Gepubliseer op
FOTO Janco Coetzee en Amelia Middleton. Janco Coetzee en Amelia Middleton van Hoërskool Merensky het op 23 April aan die Sentrale Gauteng & Tshwane Driekamp se Duathlon Kampioenskappe deelgeneem te Germiston Lake. Janco het 2,5km gehardloop, 10km fiets gery en weer 1,25km gehardloop. Amelia het 5km gehardloop, 20km fiets gery en weer 2,5km gehardloop. Albei atlete is die eerste Noord-Gauteng spanlede oor die wenstreep en het algeheel tweede geeïndig. Plasieland hou duimvas wanneer hul aan die Duathlon SA's op 2 Julie te Midmar Dam in Kwa-Zulu Natal gaan deelneem.
1 2 3 6