Perdry

 

MHS Perdry

MHS Perdry

Perdry is 'n buitesport waaraan Plasies deelneem.

Hulle neem wel deel in Merensky kleure.

2017 Datums

Sal aangekondig word.


Perdry Nuus

Plasie-ruiters trotseer Fauresmith

Gepubliseer op
Twee perderuiters van Plasieland het die berugte perde-uithourit te Fauresmith op 4 tot 6 Julie aangedurf. Me. Alexandra Dreyer en Jehan Goosen (graad 11) het saam met 410 ander ruiters hierdie moordende rit van 204 km trotseer en oorkom. Dreyer het as deel van die Limpopo standaardgewigspan individueel teen 99 ander ruiters gekompeteer en met ‘n tyd van 10 ure en 2 minute in die 23ste plek klaargemaak. Die span het in die agtsteplek geeindig. Dapper Jehan Goosen het ook die 204 km voltooi, maar kon nie ‘n amptelike plek inneem nie, aangesien sy perd tydens ‘n inspeksiepunt gekramp het.

Plasies pronk op perde

Gepubliseer op
FOTO: UITHOUER Danielle Breed op Hanif. Nuweling, Danielle Breed, ‘n graad 8-leerder aan Hoërskool Merensky het op 27 Mei te Sondela aan die Premier Uithouritklub se byeenkoms deelgeneem in die 80 km afdeling. Sy en haar perd, Hanif, het die volle afstand in ‘n tyd van 5 ure en 27 minute afgelê. Dominique Bond, ‘n graad 10-leerder, het op haar beurt goud losgeslaan tydens die Western Mounted Games vlak 3 kwalifiseerder in die Western Dressage-dissipline wat by die plaaslike Uitzoek Stalle aangebied is.

Plasies hou uit en aan in die saal

Gepubliseer op
Die Suid-Afrikaanse Internasionale Perde-uithourit uitdaging (SAIC) is van 24 tot 28 April in Bethlehem aangebied. Plasiesruiters, Jehan Goosen (graad 10) en me. Alexandra Dreyer het saam met 400 perde en ruiters vanaf so ver as Amerika, Engeland en Australië, aan hierdie gesogte kompetisie deelgeneem. Dreyer begin op 24 April met die opwindende 80km-uithourit en eindig in die tweedeplek. Goosen en Dreyer het ook ingeskryf vir die moordende 120km-kategorie op 28 April. Na 80km het Dreyer in die 2de-plek gelê, maar eindig 23ste met ‘n tyd van 7 ure en 30 minute. Sy het teenspoed beleef nadat haar perd op 100km ‘n skoen verloor het en sy vir 20km langs die…